GUDUN TSIRA littafi na uku 3 na Abdulaziz Sani m gini
GUDUN TSIRA 3?
•••••••••••••••••••••••
Toh masu karatu gashi dai yau Allah yayi mun kawo maku littafin GUDUN TSIRA na uku wanda Abdulaziz sani madakin gini ya rubuta ,
,
|
Wannan littafi dai yana kunshe ne da daukan fansa, Gudun Tsira, wanda sai dakyar ake Tsiran
.
Wasu kabila ne wadda ake kira da banu hanzar suna Rayuwarsu acikin Dajin birnin Kisra,
Alokacin da shi kuma sarkin Kisra yayi bincike acikin tsafinsa ya gano cewan muddin kabilar banu hanzar suka cigaba da zama adoron kasa toh wata ran sai sunzo sun kwace mai sarautarsa shi kuma Aduniya babu abin daya ke so sama da sarauta, hakan ce tasa ya tsanan ta ma banu hanzar kudin haraji ta yadda baza su iya biya ba.
.
Su kuwa kabilar banu hanzar koda suka ga ya tsananta masu wannan haraji sai suka yi gangami bisa jagorancin yar shugabansu mai suna SIyama suka je har birnin kisra don su nemi rangwame abisa wannan haraji,
.
Sarkin kisra mai suna RUGUZAN mayen mata ne koda su siyama suka je gareshi sai ya hada wata kullalliya, don ya samu ya sadu da siyama sannan ya kasheta,
.
Hakan shi ya janyo mugun gumurzu a tsakaninsu wadda har takai ga sarki ruguzan ya rasa rayuwarsa, sannan siyama ta gudu
.
.
Abinda su siyama basu sani ba shine sun kashe macijine basu sare kansa ba.
Sannan sun tsokalo tsuliyar dodone
.
.
Domin kuwa sarki ruguzan yana da danuwa wanda ake kira yarima darwarz .
Yarima darwarz yayan ruguzan ne kuma duk duniya babu wanda yake so sama da sarki ruguzan , hasalima shine za abashi sarauta amma saboda son dayake wa dan uwansa sai yabar masa wannan sarauta,
.
.
Darwaz mugun Azzalumine kuma gawurtaccen sadaukine , wadda aduk nahiyar babu wani sadauki da zai iya kaishi kas
.
Alokacin da darwaz ya samu labarin mutuwar dan uwansa yayi kuka sosai sannan ya dauki Alkawarin sai ya nemo gaba daya kabilar banu hanzar yayi masu kisan Gilla
.
.
Agefe daya kuma akwai Boka hurgas
Boka hurgas bokan birnin kisra ne wanda burinsa shine ya mallaki birnin kisra gaba dayanta hakan yasa ya runga munafuntar sarki darwaz batare da ya sani ba
$
.
Kai kar dai kuce ina ta lasa maku zuma a baka
Ga kadan daga ciki
•••••••••••••••••••••••••••••••
A DAREN KWANA NA BAKWANI NE DA tafiyarsu
Sharwan,Sarki Darwaz ya iso cikin Birnin Madinatul
Sultan tare da rundunarsa ta yaki,'yarsa Husaira na
daf dashi bisa kan doki sun jera.Suna isowa kofar
Birnin saiga Boka Hurgas ya baiyana tsulum a
gaban
Sarki Darwaz yana mai kyakyacewa da dariya.Cikin
fishi Sarki Darwaz ya dubeshi yace da kana ina
muka shafe wannan doguwar tafiyar baka bayyana
ba sai yanzu alhalin kace kaine zaka yi mana
jagora
a cikin tafiyar?Yayin da Boka Hurgas yaji wannan
tambaya sai yayi murmushi yace ya shugabana ai
tunda aka fara wannan tafiya ina biye daku kuma
ina
muku jagora saidai na baku tazara mai
yawa,domin
na iso nan Birnin tun a kwanaki shida da suka
wuce.Tabbas zuwana da wuri yayi amfani domin
na
samo mana wani labari mai muhimmanci dangane
da abinda muke zargi.Ko shakka babu shugaba
Sultan yayi wadansu baki daga birnin Kisra a
matsayin yan kasuwa,wato fatake,amma a cikin
kwanaki biyu aka nemesu aka rasa acikin birnin
nan.Bisa bincikena danayi na tura wadansu
zakwakuran hadimaina na aljanu sun bi bayan
wadannan fatake basu gansu ba kuma basu ji
duriyarsu ba.Ya shugaba kasani cewa Sultan
gawurtaccen matsafi ne don sihirin tsafinsa yafi
nawa karfi,Ni abinda nake zargi shine wadannan
fatake da akace sunzo fatauci kabilar banu Hanzar
ne,kuma Sultan ne ya basu mafaka suka sauka har
tsawon kwana biyu sannna suka sulale suka bar
birnin nasa.Idan har Sultan yana son ya kubuta
daga
wannan laifi toya gaggauta fada mana inda
wadannan fatake suke ko kuma ya gaya mana
garin
da suka nufa tafi muje mu gansu da
idanunmu.Abu
na biyu shine a bisa binciken danayi kafin mu baro
Birnin Kisra na gano cewa akwai wata tsohuwar
alaka ta zumunci mai karfi tsakanin Sultan da
shugaban Kabilar banu Hanzar tun suna yara
kanana,sa'adda suke haduwa a daji wajen farauta
Kaga kenan akwai yiyuwar shugaba Sultan zai iya
taimakon Kabilar Banu Hanzar ta kowacce
Siga.Koda
Boka Hurgas yazo nan a zancensa Sai Sarki
Darwaz
ya fusata ainun har jikinsa ya kama
tsuma,zuciyarsa
kuma ta kama tafarfasa,kawai sai ya yunkura zai
sakarwa dokinsa limzani ya zabureshi da gudu
izuwa Birnin Madinatul Sultan,amma sai Boka
Hurgas ya daga masa hannu yana mai tsayar
dashi.Kawai sai Boka Hurgas ya tsugunna ya debo
kasar kofar Birnin ya shinshinata kawai yayi
murmushi ya dubi Sarki Darwaz yace,ba shakka
babu mutanen kabilar Banu Hanzar sun shiga cikin
wannan birnin gaba dayansu don haka duk inda
ma
suke shugaba Sultan ya sani domin naji kamshin
sawayensu a kan wannan kasa.Kafin Hurgas ya
gama rufe bakinsa tuni Husaira ta zare takobinta ta
sakarwa dokinta limzami ta banke masu gadin
kofar
birnin da karfin tsiya ta kunna kao cikin birnin a
fusace.Ai kuwa sai Sarki Darwaz da sauran Dakaru
suka rufa mata baya suka bar Boka Hurgas a tsaye
anan yana ta kyalkyala dariyar mugunta da
farinciki.Kai tsaye Gimbiya Husaira suka durfafi
gidan
sarautar Sarki Sultan.Bisa mamaki suna isa gidan
sarautar sai suka iskeshi a bude wanwar ko masu
gadi babu.A cikin gidan sarautar kuwa gaba dayan
dakarun suna zazzaune sun ajiye makamansu a
kas,kuma basa shirin tararsu.Koda suka iso
tsakiyar gidan sarautar inda wani badakare yake
sai
suka iske wani mutum guda daya jal a cikin
gagarumar shigar yaki.Koda suka matso daf dashi
sai sukaga ashe ba wani bane face Shugaba
SultanKoda suka zo dab dashi sai suka ja
Linzamin
dawakansu suka yi tirjiya kuma suka yi masa
KAWANYA.Cikin tsananin fushi Sarki Darwaz ya
dakawa Sultan tsawa yace,yakai Sultan kayi sani
cewa kaci amanarmu ka hada kai da makiyanmu
da
basu mafaka,idan kana son ka tsira da rayuwarka
data iyalanka to ka hanzarta sanar damu inda
kabilar
Banu Hanzar Suke.Koda jin wannan tambaya sai
Sultan ya bushe da dariya,Al'amarin dayayi
mutukar
baiwa su Sarki Darwaz mamaki kenan.Daga can
sai
Sultan yayi shiru ga barin dariyar ya murtuke
fuskarsa ya dubi Sarki Darwaz yace,ko me zai faru
bazan sanar daku inda Kabilar Banu Hanzar suke
ba
kuma matata tana tare dasu.Yakai wannan
azzalumin shugaba nawa kayi sani cewa ni bani da
sauran buri a rayuwata face guda daya jal,wanda
ko
ban cika shi ba wadda ta kashe Dan'uwanka Sarki
Ruguzan sai ta cika mini shi,wato Siyama 'yar
aminina shugaba Sharwan.Na sani cewa zan mutu
a
hannunku amma ku sani kafin a kashe Gwaggon
Biri
sai yayi muguwar barna.Sultan na gama fadin
hakan
sai ya zare takobinsa ya daka tsalle sama kamar
tsuntsu ya hau dakarun Birnin Kisra da SARA DA
SUKA a saman yana fille musu kawuna tamkar ya
kasance mai fuka fukai,yana shawagi a kansu
saboda
karfin sihirinsa.Koda Sarki Darwaz da Husaira suka
ga irin mummunar barnar da Sultan yake yi musu
sai suma suka zare takubbansu suka daka tsalle
sama suka tare shi aka ruguntsume da sabon
azababben yaki mai tsananin ban tsoro da ban
al'ajabi.
•••••••••••••••••••••••••••••
Toh tambayar anan dai shine
.
.
SHIN KABILAR BANU HANZAR ZASU IYA TSEREWA SU SARKI DARWAZ?
.
.
SHIN SARKI DARWAZ ZAI CIMMA KABILAR BANU HANZAR?
.
.
IZAN YA CIMMUSU WANI IRIN BAKIN GUMURZU ZA'A TAFKA
.
SHIN WANE BAN GARE NE KUKE GANI ZASU SAMU NASARA
.
.
Domin jin wayanna amsoshin sai kuyi Marmaza ku download na littafin zuwa kan wayoyinku ta hanyar danna wayannan blue din Rubutun
.
div class="group">DOWNLOAD AS TXT EBOOK
Kar dai ku manta :- littafin kala Uku ne akwai PDF,TXT da DOC sai ku zaba wanne manhaja kuke so kokuwa wanda zai iya budewa acikin wayoyinku ko kwamfitarku
.
.
Ga duk wanda yasan bai iya download na ebooks a shafina ba sai ya shiga nan yayi mani magana a shafin Tambayoyi ta nan http://keffians.xtgem.com/forum
.
Sannan ina Gargadi
Ni bana Tura littafi a biyani sai dai inkaine da kanka kaga daman turomani da kudi don Allah
Bana saida Littafi a internet, domin sha'awa kadai nake hada ebooks don masu karatun hausa
.
Sannan bana whattsapp kuma bani da group a whattsapp
.
Kada wani ya ha'inceku ta hanyar amfani da Sunana a whattsapp
.
GUDUN TSIRA 3
Na Abdulaziz sani m gini
Ebook creator:- Shuraih Usman 99%
Domin download na wasu kayatattun littatafan Hausa a matsayin Hausaebooks tayadda zaku iya saukewa ku karanta acikin wayoyinku sai ku ziyarci wannan shafi www.shuraih.waphall.com Sannan ku zabi littafin da kuke so
For more download of some non- fictional hausa books as a hausaebooks so that you can download it to your phone and read it at any time (offline reading) then visit our wepsite at www.shuraih.waphall.com Adress and select your books for offline reading
Gargadi:- wannan ebook din bana sai ruwa bane kuma ba anyishi bane don batanci ga wani koh ga wata
Sannan ni shuraih Usman 99% bana tura littafi ta private kuma bana whattsapp sannan banda group a whattsapp ga wanda yaga wani kuskure da muka making acikin wannan littafi sai kiramu akan wannan nombar 08170707521
Ga duk wanda baisan yadda ake downloading na littatafanmu ba sai ya ziyarce mu akan wannan adireshin yanar gizo gizon http://keffians.xtgem.com/forum Sannan yayi tambaya in sha'Allah muku ma zamu mai bayani dalla dalla akan yadda ake sauke littatafanmu
Sannan ina kara maimaitawa bana whattsap kada wani ya ha'ince ku ta hanyar amfani da sunana a whattsap asha karatu lafiya
Hakkin mallaka (m) Abdulaziz Sani madakin Gini
Bissalam daga Shuraih Usman 99%
0 Response to "GUDUN TSIRA littafi na uku 3 na Abdulaziz Sani m gini"
Post a Comment